Фуқаролик бурчимиз

/
Гулистон шаҳар 1-академик лицейида “Ёшларнинг ижтимоий ҳаётида Ўзбекистон “Адолат” СДПнинг ўрни” мавзусида ўтказилган тадбирда партия фаоллари, шаҳар партия кенгашининг “Ёш адолатчилар” қаноти аъзолари, жамоатчилик вакиллари иштирок этишди.
Иштирокчилар бугунги глобаллашув шароитида ёшларни миллий маънавиятимизга зид бўлган зарарли ғоя ва мафкуралардан ҳимоя қилиш, миллий қонунчилигимиз ҳамда аждодларимиз яратган бой маънавий меросимизни кенг тарғиб этиш орқали уларда ватанпарварлик туйғусини ошириш, партиямизнинг ёшлар сиёсати ҳақида тўхталиб ўтишди. Тадбирда ёшларнинг юксак маънавияти, жамият ҳаётида фаоллиги, истиқлол берган имкониятлардан унумли фойдаланиб, эзгу орзу-мақсадларига шижоат ва қатъият билан интилаётганини уларнинг фикр-мулоҳазалари яққол ифодалади.
— Барча соҳалардаги туб ислоҳотлар самараси биз, ёшларнинг маънавий қарашларимиздаги янгиланиш, онг-тафаккуримизнинг юксалишида акс этмоқда, — деди шаҳар партия кенгашининг “Ёш адолатчилар” қаноти фаоли Шаҳноза Саматова. — Жамиятимизда бўлаётган ўзгаришларнинг ўз тақдирига алоқадорлигини чуқур англаётган навқирон авлод вакиллари юртимиз тараққиёти учун ўз ҳиссасини қўшишни фуқаролик бурчи деб биладилар.
Таъкидланганидек, партиямизнинг “Ватан келажаги ёшлар қўлида” лойиҳаси доирасида ташкил этилган учрашувлар, очиқ мулоқотлар, маданий-маърифий тадбирлар, турли кўрик-танловлар иқтидорли ёшларни аниқлаш ва уларни қўллаб-қувватлаш, глобаллашув жараёнида ёшлар онгида мафкуравий иммунитетни янада кучайтириш, мамлакат ижтимоий-сиёсий ҳаётида уларнинг фаоллигини оширишга хизмат қилмоқда.
Шуҳратжон ҲАСАНОВ,
Сирдарё вилоят кенгаши матбуот котиби

Бошка Маълумотлар

01 янв 1970
Даставвал шуни таъкидлаш лозимки, халқ депутатлари Нуробод туман Кенгашида “Адолат” СДПнинг депутатлик гуруҳи кўпчилик овозга эга....
01 янв 1970
“Адолат” социал-демократик партиясининг бугунги кундаги тараққиёт омиллари нималарда, деб ўйлайсиз?...
01 янв 1970
Ўтган йилда Ўзбекистон «Адолат» социал-демократик партияси “Ислоҳот — ислоҳот учун эмас, аввало инсон учун” тамойилиг...
01 янв 1970
Халқ билан мулоқот ва инсон манфаатлари йилида дастурий вазифаларимизнинг халқчил аҳамияти янада яққолроқ намоён бўлмоқда....