“Адолат билимдони” танлови бошланди

/
Ўзбекистон "Адолат" СДП "Ёш адолатчилар" қаноти томонидан ўрта махсус таълим муассасаларининг ўқувчилари ўртасида ўтказиб келинаётган анъанавий "Адолат билимдони" кўрик-танловининг шаҳар, туман босқичлари бўлиб ўтмоқда.
Қорақалпоғистон Республикасининг бир қатор туманларида бўлиб ўтган беллашувларда ҳам билимдон ёшлар белгиланган талаблардан келиб чиқиб, таништирув, сиёсий-ҳуқуқий соҳадаги билимлар, уйга вазифа тарзида “Ўзбекистон “Адолат” социал-демократик партияси менинг тасаввуримда” мавзусида ижодий иш тайёрлаш каби шартлар бўйича ўз билим ва қобилиятларини намоён қилишди.
Қўнғирот туманида ташкил этилган танловда тумандаги касб-ҳунар коллежларининг иқтидорли ўқувчилари иштирок этишди.
Таъкидланганидек, партиямизнинг “Ватан келажаги ёшлар қўлида” лойиҳаси доирасида ташкил этилган ушбу кўрик-танлов ёшларнинг ҳуқуқий ва сиёсий билимларини юксалтириш, уларни Конституциямиз ва бошқа қонун ҳужжатларига ҳурмат руҳида тарбиялаш, ёшларда эркин фикрлаш қобилияти ва нутқ маданиятини ўстириш, уларнинг фаол фуқаролик позициясини янада мустаҳкамлаш, иқтидорли ёшларни рағбатлантириш ҳамда дастурий мақсад ва вазифаларимизни тарғиб этишга хизмат қилмоқда.
Беллашувлар якунида Қўнғирот нефть ва газ саноати касб-ҳунар коллежи ўқувчиси Наргиза Хожамуратова 1-ўринни эгаллаб, танловнинг навбатдаги босқичига йўлланма олди. Қўнғирот тиббиёт коллежи ўқувчиси Елдос Жанмурзаев ва Қўнғирот саноат касб-ҳунар коллежи ўқувчиси Гулбану Беркинбаева 1-, 2-ўринларга сазовор бўлишди.
Қанликўл, Қораўзак туманларида ташкил этилган кўрик-танловлар ҳам ёшларнинг сиёсий-ҳуқуқий билимларни ўрганишга бўлган қизиқишларини оширди.
Кўрик-танловларда барча ғолиблар диплом ҳамда эсдалик совғалари билан тақдирланди.
Айшолпан УРАЗИМБЕТОВА,
Қорақалпоғистон Республикаси кенгаши матбуот котиби

Бошка Маълумотлар

01 янв 1970
Юртимиз бўйлаб истиқлол шодиёналари шукуҳи кезмоқда, шу кунларда ушбу қутлуғ айём муносабати билан жойларда маънавий-маърифий тадбирлар бошлаб юбор...
01 янв 1970
2017 йил — Халқ билан мулоқот ва инсон манфаатлари йили
01 янв 1970
Бир қарашда йўлсозлик, коммунал хизматларга доир масалалар фуқаролар мурожаатларида тез-тез қайд этиб туриладиган, қонун доирасида кечиктирмай ҳал ...
01 янв 1970
Бугунги кунда ёшлар бандлигини таъминлаш, ҳудудлардаги уюшмаган ёшлар билан мунтазам равишда ишлашга Ўзбекистон “Адолат” социал-демокра...