МФЙ биноси барпо этиладими?

/
Ҳудудларда партия депутатлари ва фаолларидан иборат ишчи гуруҳлари маҳаллаларда, хонадонларда бўлиб, аҳоли билан самимий мулоқот ўтказмоқда. Ишчи гуруҳ аъзолари фуқароларнинг яшаш шароити, оилавий аҳволи билан яқиндан танишиб, уларни ўйлантириб келаётган муаммо ва нуқсонларни бартараф этишга кўмаклашмоқда. Ўзбекистон “Адолат” СДП Урганч шаҳар кенгашида тузилган ишчи гуруҳи аъзолари “Янги-обод” маҳалласи аҳли билан учрашди.
“Янги-обод” МФЙ фаоллари мазкур маҳалла фуқаролар йиғини тайинли бинога эга эмаслиги боис ноқулай шароитда фаолият юритишаётгани, ушбу МФЙ учун мўлжалланган бино қурилиши тўхтаб қолганлиги қиш мавсуми олдидан уларни ташвишлантираётганини баён этишди. Мазкур муаммо жойида ўрганилиб, депутат Донохон Олимова томонидан Урганч шаҳар ҳокими номига депутатлик сўрови юборилди.
Шунингдек, мулоқотлар давомида кам таъминланган оилалар аъзолари билан суҳбатлашилди. Муқаддас Собирова бир неча йил олдин бахтсиз ҳодиса туфайли соғлиғида муаммо пайдо бўлгани боис ишлаб даромад топишга қийналаётганини, умр йўлдоши вафот этгач, уч нафар фарзанди билан ёлғиз қолиб, айни пайтда ўз ота-онасининг уйида яшаётганини баён қилди. М.Собирова соғлиғида жиддий муаммо борлигини айтиб, унга ногиронлик белгиланишида ёрдам сўради. Партия депутатлари аралашгач, М.Собирова 2-сон оилавий поликлиникасида қайта тиббий кўрикдан ўтказилди, шаҳар тиббиёт бирлашмаси кўрсатмасига кўра, у айни пайтда даволаниш учун шифохонага жойлаштирилди. Шу билан бирга, фуқарога ногиронликни тайинлаш учун тиббий ҳужжатлар тақдим қилиниши зарурлиги, даволаниш натижалари, шифокорларнинг хулосалари асосида тиббий ҳужжатлар тайёрланиши тушунтирилди.
Мазкур маҳаллада истиқомат қилаётган Зиёда Бозорбоева, Шаҳноза Отаева, Ҳабиба Аҳмедовалар ҳам ишга жойлашишда кўмак сўрашди. Бу борада шаҳар Бандликка кўмаклашиш маркази раҳбарига депутатлик сўрови юборилиб, ижроси назоратга олинди.
“Янги-обод” МФЙ фаоллари мазкур маҳалла фуқаролар йиғини тайинли бинога эга эмаслиги боис ноқулай шароитда фаолият юритишаётгани, ушбу МФЙ учун мўлжалланган бино қурилиши тўхтаб қолганлиги, айниқса, қиш мавсуми олдидан уларни ташвишлантираётганини баён этишди.
Замира АБДУЛЛАЕВА,
Хоразм вилояти кенгаши матбуот котиби

Бошка Маълумотлар

01 янв 1970
Олий Мажлис Қонунчилик палатасидаги Ўзбекистон “Адолат” СДП фракциясининг навбатдаги йиғилиши бўлиб ўтди. ...
01 янв 1970
Депутатлар дастлаб “Фуқароларнинг репродуктив саломатлигини муҳофаза қилиш тўғрисида”ги қонун лойиҳасини биринчи ўқишда муҳокама қилдил...
01 янв 1970
Ҳозирги кунда Навоий шаҳрида фаолият кўрсатаётган жами 73 та хусусий клиниканинг 71 таси амбулатор, иккитаси стационар тиббий муассасалардан иборат...
01 янв 1970
Давлат ҳокимияти ва бошқарув идоралари фаолиятида очиқликни таъминлаш нафақат мазкур тизим, балки сиёсий партиялардан ташаббускорликни талаб этмоқд...