Беғараз донорлик акцияси

/
Маълумки, 2018 йил 1 июнь куни Ўзбекистон “Адолат” СДПнинг “Бор меҳримиз сенга, болажон” шиори остида барча ҳудудларда беғараз донорлик акцияси ўтказилиб, унда республикамиз бўйича 466 нафар хайрихоҳ иштирок этган эди. Улардан 139 800 грамм қон тўпланди, бу эса юзлаб болажонларга мадад бўлди.
Кўплаб талаб ва истакларга биноан Ўзбекистон “Адолат” СДП беғараз донорлик акциясини давом эттиради.
Ўзбекистон Республикаси Конституцияси қабул қилинганлигининг 26 йиллиги муносабати билан 3 декабрь куни соат 8:00-18:00 га қадар Қорақалпоғистон Республикаси ва вилоятлар марказларидаги кўп тармоқли болалар шифохоналарида ҳамда Тошкент шаҳридаги Гематология ва қон қуйиш илмий-текшириш институтида беғараз донорлик акцияси ўтказилади.
“Бор меҳримиз сенга, болажон” шиори остида ташкил этилаётган ушбу тадбирни ўтказишдан мақсад тиббий-ижтимоий кўмакка муҳтож фуқароларни қўллаб-қувватлаш, инсонларни кўнгилли равишда қон топширишга чорлаш орқали беморларнинг ҳаётини сақлаб қолиш, жамиятда инсонпарварлик ва меҳр-оқибат ғояларини кенг тарғиб қилишга қаратилган.
Донорлик тартиби бўйича эслатма:
1. 18 ёшдан 60 ёшгача бўлган фуқаролар фуқаролик паспорти билан иштирок этиши;
2. 1 кун аввал аччиқ, шўр маҳсулотлар, спиртли ва газли яхна ичимликлар истеъмол қилмаслиги;
3. Донор бўладиган кун эрталабки нонуштада тухум, ёғ ва сут истеъмол қилмаслиги;
4. Донор сўнгги 6 ой ичида чет элда бўлмаган бўлиши лозим;
5. Сариқ касалга чалинмаганлиги ва “D” рўйхатда турмаслиги талаб этилади.
Қўшимча маълумот учун:
www.adolat.uz
288 46 54 (115,116,124)
adolat_info@mail.ru
fb.com/sdpu.adolat/
t.me/adolat_uz/
ok.ru/Kuch – adolatda/
Бемор болажонларнинг дардли нигоҳини юздаги табассумга айлантириш истагида бўлган барча-барчани ушбу акцияда иштирок этишга чақирамиз.
Ўзбекистон “Адолат” СДП матбуот хизмати

Бошка Маълумотлар

01 янв 1970
Ватанни болаликда бошқача ҳис қиламиз. Улғайган сари бизнинг бу ҳис-туйғуларимиз янада тиниқлаша бошлайди....
01 янв 1970
Агар талаба шартнома пулини тўлашга қийналса, олий таълим муассасаси томонидан имтиёз берилиши назарда тутиладими?...
01 янв 1970
Мамлакатимизда хотин-қизларни ижтимоий-ҳуқуқий жиҳатдан қўллаб-қувватлаш, жамиятдаги мавқеи ва нуфузини ошириш масаласига давлат сиёсати даражасида...
01 янв 1970
Халқ билан мулоқот. Инсон ҳуқуқ ва манфаатларини ҳимоя қилишнинг энг мақбул йўли сифатида ҳаётимизга жорий этилган мазкур механизм ҳақиқатан ҳам қи...