Ёшлар билан учрашув

/
Ҳуқуқий тарбия — демократик жамият ва ҳуқуқий давлат барпо этишнинг муҳим омилларидан бири саналади. Ёшларда қонунларга ҳурмат ва қонунбузилиш ҳолатларига нисбатан муросасизлик руҳини шакллантириш, айниқса, ушбу соҳада фаолият юритаётган мутасаддиларнинг муҳим вазифасидир.
Фарғона давлат университети 5-сонли талабалар турар жойида Президентимизнинг “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги фармони мазмун-моҳиятини ўрганишга бағишланган давра суҳбати бўлиб ўтди. Давра суҳбати ёшлар билан ҳуқуқий тарбиявий фаолиятни йўлга қўйиш, жиноятчилик ва ҳуқуқбузарликларга қарши улар билан биргаликда курашиш мақсадида Ўзбекистон “Адолат” СДП вилоят кенгаши, Фарғона шаҳар ИИБ, маҳаллий Кенгаш депутатлари ҳамда университет ҳамкорлигида ташкил этилди.
Вилоят партия кенгаши раиси ўринбосари К.Исроилова, халқ депутатлари шаҳар Кенгаши депутати Ш.Аббосова миллий қонунчилигимиздаги янгиликлар, ёшларнинг ҳуқуқ ва мажбуриятлари ҳақида сўз юритишди. Шаҳар ИИБ вакилларининг ёшлар ҳуқуқбузарликлари, жиноятчилигига доир аниқ мисоллар келтириб, жиноятларнинг сабаб ва оқибатлари хусусида берган маълумотлари барчанинг диққат-эътиборида бўлди.
Талабалар билан очиқ мулоқот чоғида уларнинг жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш бўйича билдирган таклифларини ҳам мутахассислар алоҳида қайд этишди.
Тадбир ташкилотчилари талабалар турар жойида ёшларнинг яшаш шароитлари, бўш вақтини мазмунли ўтказиш учун шуғулланаётган машғулотлари билан танишдилар. Ушбу масканда талабаларнинг сиёсий-ҳуқуқий билимларини ошириш учун ташкил этилган ўқув хоналари, кутубхона, матбуот-ахборот бўлимлари йиғилганларда яхши таассурот қолдирди.
Жаҳонгир МИРЗАТИЛЛАЕВ,
Фарғона шаҳар ички ишлар органлари фаолиятини мувофиқлаштириш бошқармаси терговчиси

Бошка Маълумотлар

01 янв 1970
Асосий қонунимиз тарғиботига бағишланган тадбирлар вилоятнинг барча туман ва шаҳарларида давом этмоқда....
01 янв 1970
Фуқароларнинг пенсия таъминотига доир ҳуқуқларини таъминлашда архив ҳужжатлари муҳим амалий аҳамиятга эга эканини нафақат мутахассислар, балки кўпч...
01 янв 1970
Азиз ўқувчи, газетамизнинг бугунги сонидан бошлаб янги рукнимиз остида ҳафта давомида одамлар орасида шов-шувга сабаб бўлган, эл орасида энг кўп му...
01 янв 1970
Мен Шаҳрисабз шаҳри Нодира кўчаси 3-уйда яшовчи, 8 нафар фарзанднинг отаси, беш йилдан бери суд-ҳуқуқ идораларидан адолат излаб сарсон юрган, 70 ёш...