Ҳар қандай жамиятдаги ислоҳотлар самараси учун энг муҳим мезон сўз эркинлиги ва қонун устуворлигидир. Давлатимиз раҳбари парламентга йўллаган Мурожаатномасида ҳам бошқа йўналишлар каби бу икки йўналишга алоҳида аҳамият берганлиги бу борада сўнгги йилларда салмоқли ишлар амалга оширилганлиги ва унинг таҳлиллари натижасида ҳали қилиниши лозим бўлган ишлар аниқ белгиланганлигидан далолат.