Ҳуқуқ ва эркинликларимиз кафолати

/
Истиқлолимиз пойдеворини мустаҳкамлаган Бош қомусимиз қабул қилинганининг 25 йиллик байрамини муносиб кутиб олиш мақсадида Ўзбекистон “Адолат” СДП Андижон вилоят кенгаши томонидан режалар ишлаб чиқилиб, жойларда турли тадбирлар ўтказилмоқда. Уларда Конституциямизнинг ҳаётимизда тутган ўрни ва инсон ҳуқуқларининг ҳимоячиси эканлиги ўз ифодасини топмоқда.
Андижон шаҳрида партиямизнинг “Адолат — қонун устуворлигида” лойиҳаси доирасида ўтказилган “Бош қомусимиз — ҳуқуқларимиз кафолати” мавзусидаги давра суҳбатида партия фаоллари, маҳаллий Кенгаш депутатлари, таълим тизими ходимлари ва ОАВ вакиллари иштирок этишди.
Унда мустақиллик йилларида ёшлар сиёсати борасида олиб борилаётган ишлар, бу борада қабул қилинган қонун ҳужжатлари ва Конституциямизда фарзандларимизнинг ҳуқуқлари кафолатлангани ҳақида сўз юритилди. Келажагимиз эгаларини комил инсонлар қилиб тарбиялаш ва билим олишлари учун жаҳон стандартларига мос шарт-шароитлар яратиш масаласига давлат сиёсати даражасида эътибор қаратиб келинаётганлиги таъкидланди. Иқтидорли ва ташаббускор йигит-қизларнинг республикамизда амалга оширилаётган ислоҳотларда иштироки ортиб бораётгани эътироф этилди.
— Асосий қонунимиз чин маънода биз, ёшларнинг бахтимиз кафолати демакдир, — дейди вилоят партия кенгашининг “Ёш адолатчилар” қаноти етакчиси Аброр Усмонов. — Эришаётган ютуқларимизда Конституциямизнинг ўрни беқиёс. Ёшлар сиёсати борасида амалга оширилаётган ислоҳотлар, бу борада юртимизда яратилаётган имкониятларга жавобан Асосий қонунимизда белгилаб қўйилган бурчларимизни тўлақонли адо этишимиз лозим.
Давра суҳбати якунида Конституциямизнинг мазмун-моҳиятини кенг тарғибот этиш, ёшларнинг ҳуқуқий маданиятини оширишга доир вазифалар хусусида фикрлашиб олинди ҳамда таклиф ва тавсиялар ишлаб чиқилди.
Акбаржон НАЗАРОВ,
“Adolat” мухбири

Бошка Маълумотлар

01 янв 1970
Олий Мажлис Қонунчилик палатасига саёҳат уюштирилди.
01 янв 1970
Халқ билан мулоқот ва инсон манфаатлари йилида дастурий вазифаларимизнинг халқчил аҳамияти янада яққолроқ намоён бўлмоқда....
01 янв 1970
Юртимизда сўнгги йилларда миллий ҳуқуқ тизимида кўлами ва моҳияти нуқтаи назаридан ислоҳотларнинг янги даври бошланди. ...
01 янв 1970
Очиқ эътироф этиш лозимки, партиявий фаолиятда амалий ёки тарғибот ишининг катта-кичиги бўлмайди. ...